“Honorakot”

“Your Honors” inyo pong ipagpaumanhin
Ako po’y may salitang iimbentuhin
“Honor” at kurakot aking paghahaluin
Naging “honorakot” nang aking pagsamahin

“Your Honor” kung tawagin dahil marangal
Sa sikat na unibersidad nag-aral
Buena-de-familia galing kaya sosyal
Doon nagsisimba sa Manila cathedral

Bakit sa kaban ng bayan kayo’y dumukot
Bakit katwiran ninyo’y naging baluktot
Ngala’y dinungisan nagpasyang mangurakot
Kaya binabansagan kayong “honorakot”

Kapita-pitagan ang mga “honorakot”
Milyon-milyon kung magnakaw ‘di natatakot
Yaman ng bayan kanilang hinahakot
Ang ititira kay Juan baryang kakarampot

Bilyon-bilyon taon-taon ang nasasayang
Nauuwi sa bulsa ng pulitikong kawatan
Baya’y laging malulugmok sa kahirapan
Kapag pinalusot kanilang kabuktutan

 

 

 

Issue sa “pork barrel” dapat ukilkilin

Lahat ng nasangkot dapat na alamin

Ninakaw sa kaban dapat ay bawiin

Mga “honorakot” dapat panagutin

 

Dapat nang mahinto kanilang kababuyan

Sana ang bayan ganap nang manindigan

Isyu ng “pork barrel” hanggang dulo’y sundan

Hanggang hindi natatapos wag bibitawan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: