Para sa ‘yo… HARDPEN

Tibong Cagayano, 01-27-10

saan ba nagsisimula
ang pagiging makata
ito ba ay biyaya
o utak ang may gawa

kung ito ay biyaya
di mas mahal ka pala Niya
kung utak naman ang may gawa
medyo di ata ako makapaniwala

noong tayo’y mga bata
lagi tayong magkasama
sa mga nangyayarinbg kalokohan
tayo laging napagbibintangan

sa pagnanais nating noo’y kumita
para tayong mga sirang plaka
sa kalye sumisigaw
bannawag at liwayway ang inihihiyaw

sa panahong tayo’y magka-eskwela
talong-talo ata kita
sapagkat ako lagi ang bida
at matalinong bata hahaha

bigla tayong nagkahiwalay
di naman kita inaway
ika’y nangibang-lalawigan
kaibigan mo’y iniwanan

lumipas maraming taon
wala tayong komunikasyon
sa Friendster nag-hook
na nauwi sa Facebook

ngayon makata ka na
mga likha’y magaganda
mga sulatin mo’y inspirasyon
pwedeng bilhin kahit na halagang milyon

ako ngayo’y naiinggit
sa taglay mong pag-iisip
sa pagsusulat at pagtititik
ng mga tulang nagwawalis ng inip

pag si Hardpen ang nagsulat
mga mambabasa’y dilat na dilat
kapag gawa ko ang nilatag
lahat sila’y parang mga bulag
———-

%d bloggers like this: