sa mga ALIAS na gamit

Tibong Cagayano, 03-05-10

 Bwa ha ha ha… sinasabi ko na nga ba,
isipan mo para ko talagang nababasa.
sa Alias na napili kong gamitin sa pagkatha,
alam kong yan ang iisipin mo suspetsa ko na noon pa.

Kaya nga ba nilagyan ko ng emphasis,
diniinan ang sulat at ginawa pang italics,
panigurado sanang hindi magmimintis,
pero ganun pa rin ang sumagi sa iyong isip.

Nais ko ring ipaalala sa iyo,
gamit sa babae ang salitang Tibo,
kung naging alanganin naman ako,
sana ang pinili kong Alias ay Bading Cagayano.

Saka pag binigkas ang salitang “Tibong” sa Tibong Cagayano,
hindi tuluy-tuloy, walang patlang, malumanay at hindi diretso,
dahil kung mabilisan at diretso nga naman ang pagbigkas mo,
talaga namang ang iisipin mo ay yung salitang palso.

Hoy Hardpen… may apat na akong anak at malalaki na,
kung siyoke ako, nagladlad na sana noon pa,
alam mo bang sa PMA na dati kong eskwela,
kung maligo kami sabay-sabay, andami makikita mong nota! Bwa.. ha.. ha..

Pero ganyan nga siguro ang mga tunay na makata,
ang isip ay mapaglaro at talagang matalinghaga,
hindi nga yan napansin ng mga ibang bumabasa,
pero pagkabasa mo nito, lumikot agad iyong diwa.

Sadya rin talagang kulay berde ang utak mo,
pati nga Alias mo talagang may pagkaloko,
alam ko naman ang mga letrang tinanggal mo,
di ko rin lang masabi baka biglang lumambot yang sa iyo. Ho.. ho.. ho..

Nang tula mong The Eighteenth ay muli kong tiningnan,
nakita ko doon ang nakatagong kasagutan,
“The PEN IS mightier than the sword” iyong tinuran,
HARDPEN… malinaw na sa akin pinanggalingan ng Alias mong pangalan.

Tatlu-tatlong Alias ang ginagamit mo,
hanggang ngayon ang hilig mo pa ring magtago,
o baka naman hanggang ngayon di mo pa rin mabuo-buo
ang tamang pagbaybay sa tunay na pangalan mo! Ho.. ho.. ho..

Pasensiya ka na kung tawa ako ng tawa,
habang sinusulat ko itong aking pangdalawampu’t isa,
di ko lang mapigilan ang humalakhak talaga,
isiping tibo at hardpen_ _ _ , Alias nating dalawa.

Ang Alias mong Hardpen ay dinagdagan mo pa,
PEEKER naman ang napili mo pang isa,
pag isinalin sa Tagalog ibig sabihin mamboboso,
baka naman dahil dyan ikaw ay makalaboso. Ho.. ho.. ho..

Pag ginamit ang PEEKER isusunod mo ba si HARDPEN,
ako naman ngayon ang naguguluhan, what will happen?
mahirap din talagang ipaliwanag aking kaybigan,
bakit mga salitang yan ang napili mong pagtaguan.

Kapag isinalin ko sa brutal na pagsalarawan,
ibig sabihin… matapos manilip, lapis ay titigasan,
bakit ba mga ‘yan ang napili mong mga pangalan
pasensiya na ‘igan at trip ko lang makipag-asaran.

Nangako ka na iyong tula ay dadagdagan,
ipaliwanag mga misteryo sa likod ng Alias na pangalan,
harinawa, ako’y iyong mapaniwala, mawala sa aking isipan,
mga kalokohang sa isip ko’y pinanggalingan ng iyong mga pangalan.

%d bloggers like this: