Huli Na Ang Lahat

 

boy

(Inspired by Bruno Mars’ “When I Was Your Man”)

Kamang higaan ko biglaang lumuwag
Walang katabi’t sa aki’y yumayakap
Kanta natin noon na dulot ay galak
Kapag ngayon nadinig ako’y naiiyak

Kapag pangalan mo’y aking nadidinig
Magugunita naglaho mong pagibig
Walang magagawa kundi ang pumikit
Luha’y aagos magsisikip ang dibdib

Kung yakap sa iyo’y aking hinigpitan
Kung panahon ko sa iyo’y inilaan
Kung ng bulaklak kita ay hinandugan
Baka sakaling ako’y ‘di mo iniwan

Nakalimutang kita’y pahalagahan
Pinabayaa’t hinayaang masaktan
Hinayaang magdusa’t mata’y luhaan
Kaya’t nagpasya ka na ako’y iwanan

Nang mawala ka kita’y pilit hinanap
Ninais kong sa iyo’y magpaliwanag
Nanalanging hindi pa huli ang lahat
Tanggapin muli ako at mapatawad

Sa pasyalan natin kita’y pinuntahan
Nagbakasaling doo’y matagpuan
Sa nasumpungan labis akong nasaktan
Yakap ka ng iba’t masuyong hinahagkan

 

%d bloggers like this: